రొయ్యల వేపుడు

కావలసిన పదార్ధాలు :-

రొయ్యలు - ఇరవై ఐదు

పెద్ద ఉల్లిపాయలు - మూడు

వెల్లుల్లి పెద్దది - ఒకటి

అల్లం - ఐదు

కారం - ఒకటిన్నర టేబుల్ స్పూన్

పసుపు కొంచెం

గరం మసాలా - రెండు టీ స్పూన్స్

ఏలకులు - రెండు

లవంగాలు - రెండు

కొత్తిమీర కొంచెం

కర్వేపాకు కొంచెం

నూనె - అర కప్పు

తయారు చేయు విధానం :-

ఉల్లిపాయలు పెద్ద ముక్కలుగా చేసుకొని వాటిలో అల్లం వెల్లుల్లి కూడా వేసి మెత్తగా గ్రైండ్ చేసుకోవాలి. వలచి, కడిగిన రొయ్యల్లో ఈ ఉల్లిముద్ద, ఉప్పు, కారం, పసుపువేసి ఒక్క హల్ఫ్ కప్ నీరు పోసి, నీరంతా ఇగిరేవరకు ఉడకనివ్వాలి. తరువాత ఒక కళాయి తీసుకొని పొయ్యిమీద పెట్టి, నూనె వేసి బాగా కాగేకా రెండు లవంగాలు, రెండు ఏలకులు కొద్దిగా కర్వేపాకు వెసి కొద్దిగా వేగనిచ్చి తరువాత ఉడకపెట్టిన రొయ్యలు కూడా వేసి ఒక పావుగంట బాగా వేగనిచ్చి చివరగా గరం మసాలా పొడి, కొత్తిమీర వేసుకొని పొయ్య ఆఫ్ చేసి సర్వ్ చేసుకోవాలి. అంతే మీ రొయ్యల వేపుడు రెడీ!!!