బేబి కార్న్ మసాల

కావలసిన పదార్ధాలు:-

బేబి కార్న్ - పది

ఉల్లిపాయలు - రెండు పెద్దవి

పచ్చి మిర్చి - రెండు

టమాటో ఒకటి పెద్దది

అల్లం వెల్లుల్లి పేస్ట్ - రెండు టీ స్పూన్స్

గరం మసాలా - ఒక టీ స్పూన్

చైనా సాల్ట్ - పావు టీ స్పూన్

కారం - రెండు టీ స్పూన్స్

పసుపు - చిటికెడు

ఉప్పు తగినంత

కరివేపాకు - పది ఆకులు

జీల కర్ర - పావు టీ స్పూన్

ఆవాలు - పావు టీ స్పూన్

కొత్తిమీర - కొద్దిగా

నూనె - మూడు టేబుల్ స్పూన్స్

తయారు చేయు విధానం : ముందుగా ఉల్లిపాయలు, పచ్చిమిర్చి, టమాటో మిక్సిలో మరీ మెత్తగా కాకుండా రుబ్బుకోవాలి. పొయ్యి వెలిగించుకొని బాణలి పెట్టి అందులో నూనె వేసి ఒక నిమిషం తరువాత కరివేపాకు, ఆవాలు, జీలకర్ర వేసి కొద్దిగా వేగనిచ్చి అందులో రుబ్బుకున్న ఉల్లిముద్ద, అల్లం వెల్లుల్లి పేస్ట్ వేసి బాగా వేగనివ్వాలి. ఈ లోగా బేబి కార్న్ తీసుకొని వాటిని సన్నగా నిలువుగా ముక్కలుగా కట్ చేసుకొని పక్కన పెట్టుకోవాలి. వేగిన ఉల్లిముద్దలో ఉప్పు, కారం, పసుపు , చైనా సాల్ట్ వేసి ఒక క్షణం వేగనిచ్చి, నీరు పోసి అందులో బేబి కార్న్ ముక్కలు వేసి ఉడకనివ్వాలి. (బేబి కార్న్ తొందరగా ఉదికిపోతాయి కాబట్టి నీరు ఎక్కువ వెయ్యకూడదు). కొద్దిగా ఉడికాక అందులో గరంమసాలా కూడా వేసి రెండునిమిశాలు ఉడకనిచ్చి, కొత్తిమీర వేసి స్టవ్ ఆఫ్ చెయ్యాలి. అంతే మీ బేబి కార్న్ మసాలా రెడీ!!!!