హాట్ పొంగలి

కావలసిన పదార్ధాలు :

బియ్యం - ఒక గ్లాస్

పెసరపప్పు - ఒకటిన్నర గ్లాస్

పచ్చిమిర్చి - ఒకటి

మిరియాలు - పదిహేను

సెనగపప్పు - రెండు టీ స్పూన్స్

మినపప్పు - ఒక టీ స్పూన్

జీల కర్ర- అర టీ స్పూన్

ఆవాలు - అర టీ స్పూన్

కరివేపాకు - పది ఆకులు

అల్లం (తురుము) ఒక టీ స్పూన్

ఎండుమిరపకాయ - ఒకటి

జీడిపప్పు - ఏభై గ్రాములు

నెయ్యి - రెండు టేబుల్ స్పూన్స్

నూనె - ఒక టేబుల్ స్పూన్

నీళ్లు - మూడు గ్లాసులు

ఉప్పు తగినంత

తయారుచేయు విధానం : ముందుగా పొయ్యి వెలిగించుకొని కుక్కర్ పెట్టుకొని ఒక నిమిషం తరువాత నూనె వేసి కొద్దిగా కాగనిచ్చిఅందులో సెనగపప్పు, మినపప్పు, జీడిపప్పు, జీలకర్ర, ఆవాలు, ఎండుమిరపకాయ ముక్కలు, అల్లం తురుము, మిరియాలు, కరివేపాకు, పచ్చిమిర్చి వేసి బాగా వేగనివ్వాలి. తరువాత బియ్యం, పెసరపప్పు కలిపి బాగా కడిగి వేయించిన పోపులో లో వేసి కొద్దిగా అటు ఇటు వేయించుకొని ఉప్పు వేసి, నీళ్లు పోసి మూతపెట్టేయ్యాలి. రెండు మూడు విసిల్స వచ్చేవరకు ఆగి తరువాత పొయ్య కట్టేయ్యాలి. ఇది బాగా మెత్తగా ఉడికితే బాగుంటుంది. దీన్ని కొబ్బరి చట్నీ తో సర్వ్ చేస్తే బాగుంటుంది.

ఆకుకూర పప్పు

కావలసిన పదార్ధాలు :

కందిపప్పు - ఒక గ్లాస్

పాల కూర -చిన్నవి ఐతే రెండు కట్టలు

చుక్క కూర - ఒక కట్ట

పచ్చి మిర్చి - రెండు

ఉల్లిపాయ - చిన్నది ఒకటి

టమోటా - ఒకటి

పసుపు కొద్దిగా

ఉప్పు తగినంత

తాలింపుకి :

వెల్లుల్లి - నాలుగు రేకులు

ఎండుమిర్చి - రెండు

కరివేపాకు - పది ఆకులు

జీల కర్ర - ఒక టీ స్పూన్

ఆవాలు - ఒక టీ స్పూన్

ఇంగువ - కొద్దిగా

నెయ్యి - రెండు టీ స్పూన్స్

తయారు చేయు విధానం : ముందుగా ఆకుకూరలు రెండూ బాగా కడిగి సన్నగా ముక్కలు కోసుకోవాలి. పప్పుని కుక్కర్లో వేసి కడిగి అందులో ఆకుకూరముక్కలు, ఉల్లిపాయ ముక్కలు, పచ్చిమిర్చి, టమోటా ముక్కలు, పసుపు వేసి బాగా ఉడకనివ్వాలి. ఉడికిన ఆకుకూర పప్పు లో ఉప్పు వేసి గట్టిగా ఉంటే కొద్దిగా నీరు పోసి బాగా మెదపాలి. తరువాత పొయ్యి వెలిగించుకొని చిన్న బాణలి పెట్టి అందులో నెయ్యి వేసి ఒక నిమిషం తరువాత వెల్లుల్లి రేకులు, కరివేపాకు, ఎండుమిర్చి, జీల కర్ర, ఆవాలు వేసి బాగా వేగనివ్వాలి చివరగా ఇంగువ కూడా వేసి వేగనిచ్చి, పప్పులో వేసి వెంటనే ఒక ఐదు నిమిషాలు మూత పెట్టాలి. అంతే ఆరోగ్యం తోపాటు మంచి రుచిగా ఉండే ఆకుకూర పప్పు రెడీ!!

చికెన్ బిరియాని

కావలసిన పదార్ధాలు :-

బాస్మతి బియ్యం - అరకిలో

చికెన్ - అరకిలో

ఉల్లిపాయలు - రెండు

పచ్చిమిర్చి - రెండు

అల్లం వెల్లుల్లి పేస్టు - రెండు టేబుల్ స్పూన్స్

పసుపు చిటికెడు

ధనియాల పొడి - మూడు టీ స్పూన్స్

సొంపు - రెండు టీ స్పూన్స్

ఏలకులు - నాలుగు

లవంగాలు - ఆరు

దాల్చినచెక్క - రెండు

గరం మసాలా - రెండు టీ స్పూన్స్

చైనా సాల్ట్ - ఒక టీ స్పూన్

పంచదార - అర టీ స్పూన్

నిమ్మకాయ- ఒకటి

నూనె - రెండు టేబుల్ స్పూన్స్

నెయ్యు - రెండు టేబుల్ స్పూన్స్

ఉప్పు తగినంత

తయారు చేయు విధానం : ముందుగా చికెన్ ని కొంచెం పేద ముక్కలుగా కట్ చేసుకొని వాటిలో ఆక టేబుల్ స్పూన్ అల్లం వెల్లుల్లి పేస్టు, పెరుగు, ఒక టీ స్పూన్ గరం మసాలా పొడి, ఉప్పు, పసుపు, చిటికెడు చైనా సాల్ట్ వేసి కొద్దిగా నీరు పోసి ఉడకపెట్టుకొన్న ముక్కలను ఒక ప్లేట్ లోకి తీసుకొని, అందులో మిగిన గ్రేవీ ని పక్కన పెట్టుకోవాలి. తరువాత పొయ్యి వెలిగించుకొని కుక్కర్ పెట్టి అందులో నూనె, నెయ్యివేసి కోదిగా కాగాకా అందులో సొంపు, ఏలకులు, దాల్చిన చెక్క, లవంగాలు, బిరియాని ఆకు వేసి వేగనివ్వాలి. వేగిన మసాలా దినుసులలో సన్నగా కోసుకొన్న ఉల్లిపాయలు, పచ్చిమిర్చి వేసి భాగా ఎర్రగా వేగనివ్వాలి. తరువాత అందులో మిగిలిన అల్లం వెల్లుల్లి పేస్ట్ వేసి కొద్దిగా వేగనిచ్చి, చికెన్, బాస్మతి బియ్యం వేసి అన్ని కలిపి కొద్దిగా వేపుకొని, అందులో లో పక్కనపెట్టుకొన్న గ్రేవీ తో పాటు నీళ్లు కలుపుకొని కొలతగా అంటే ( ఒక గ్లాస్ బియ్యానికి ఒకటిన్నర గ్లాస్ వేసి అందులో చైనా సాల్ట్, షుగర్, నిమ్మరసం వేసి మూత పెట్టి సన్న మంట మీద ఉడకనివ్వాలి. అంతే ఎంతో రుచిగా ఉండే మీ చికెన్ బిరియాని రెడీ! మంచి కోత్తిమీరతో సర్వ్ చెయ్యండి చాలా భాగుంటుంది.

ముడిపెసలు మసాలా

కావలసిన పదార్ధాలు :-

ముడిపెసలు - ఒక గ్లాస్

ఉల్లిపాయలు - రెండు

పచ్చిమిర్చి - రెండు

టమోటా - ఒకటి

బంగాళా దుంపలు - రెండు

అల్లం వెల్లుల్లి పేస్ట్ - రెండు టీ స్పూన్స్

గరంమసాలా - ఒక టీ స్పూన్

కారం - ఒక టీ స్పూన్

నూనె - రెండు టేబుల్ స్పూన్స్

పసుపు - అర టీ స్పూన్

ఉప్పు తగినంత

కొత్తిమీర - సన్నగా తరిగినది (రెండు టేబుల్ స్పూన్స్)

తయారు చేయు విధానం :- ముందుగా ఉల్లిపాయలు, పచ్చిమిర్చి మిక్సి లో వేసుకొని రుబ్బుకోవాలి.బంగాళా దుంపలు ఉడకపెట్టి పైన తొక్క తీసి క్రష్ చేసి పెట్టుకోవాలి. తరువాత పొయ్యి వెలిగించుకొని బాణలి పెట్టి నూనె పోసి ఒక నిమిషం తరువాత ఉల్లిముద్ద వేసి బాగా అంటే పచ్చి వాసన పోయేవరకు వేగనిచ్చి అందులో టమేటా వేసి బాగా మగ్గనివ్వాలి. తరువాత అల్లం వెల్లుల్లి, ఉప్పు, పసుపు, కారం కూడా వేసి కొద్దిగా వేగనిచ్చి ముడిపెసలు, క్రష్ చేసి పెట్టుకొన్న బంగాళా దుంపలు వేసి ఒక గ్లాస్ నీరు పోసి మూత పెట్టి బాగా ఉడకనివ్వాలి. పెసలు ఉడికాక అందులో గరంమసాలా వేసి భాగా కలిపి ఒక పదినిమిషాలు ఉడకనిచ్చి, కొత్తిమీర వేసుకొని స్టవ్ కట్టేయ్యాలి. ఇది సాయంత్రం పూట స్నాక్ గా కూడా సర్వ్ చెయ్యొచ్చు.

చిట్కా:- పప్పులు ఏవైనా తొందరగా ఉడకాలంటే పప్పు తో పాటు ఒక టీ స్పూన్ నూనె, పసుపు వేస్తే తొందరగా ఉడుకుతుంది.

బేబి కార్న్ మసాల

కావలసిన పదార్ధాలు:-

బేబి కార్న్ - పది

ఉల్లిపాయలు - రెండు పెద్దవి

పచ్చి మిర్చి - రెండు

టమాటో ఒకటి పెద్దది

అల్లం వెల్లుల్లి పేస్ట్ - రెండు టీ స్పూన్స్

గరం మసాలా - ఒక టీ స్పూన్

చైనా సాల్ట్ - పావు టీ స్పూన్

కారం - రెండు టీ స్పూన్స్

పసుపు - చిటికెడు

ఉప్పు తగినంత

కరివేపాకు - పది ఆకులు

జీల కర్ర - పావు టీ స్పూన్

ఆవాలు - పావు టీ స్పూన్

కొత్తిమీర - కొద్దిగా

నూనె - మూడు టేబుల్ స్పూన్స్

తయారు చేయు విధానం : ముందుగా ఉల్లిపాయలు, పచ్చిమిర్చి, టమాటో మిక్సిలో మరీ మెత్తగా కాకుండా రుబ్బుకోవాలి. పొయ్యి వెలిగించుకొని బాణలి పెట్టి అందులో నూనె వేసి ఒక నిమిషం తరువాత కరివేపాకు, ఆవాలు, జీలకర్ర వేసి కొద్దిగా వేగనిచ్చి అందులో రుబ్బుకున్న ఉల్లిముద్ద, అల్లం వెల్లుల్లి పేస్ట్ వేసి బాగా వేగనివ్వాలి. ఈ లోగా బేబి కార్న్ తీసుకొని వాటిని సన్నగా నిలువుగా ముక్కలుగా కట్ చేసుకొని పక్కన పెట్టుకోవాలి. వేగిన ఉల్లిముద్దలో ఉప్పు, కారం, పసుపు , చైనా సాల్ట్ వేసి ఒక క్షణం వేగనిచ్చి, నీరు పోసి అందులో బేబి కార్న్ ముక్కలు వేసి ఉడకనివ్వాలి. (బేబి కార్న్ తొందరగా ఉదికిపోతాయి కాబట్టి నీరు ఎక్కువ వెయ్యకూడదు). కొద్దిగా ఉడికాక అందులో గరంమసాలా కూడా వేసి రెండునిమిశాలు ఉడకనిచ్చి, కొత్తిమీర వేసి స్టవ్ ఆఫ్ చెయ్యాలి. అంతే మీ బేబి కార్న్ మసాలా రెడీ!!!!

పీతల పులుసు

కావలసిన పదార్ధాలు :-

మంచి పీతలు - రెండు

ఉల్లిపాయలు - మూడు

పచ్చిమిర్చి - మూడు

కరివేపాకు - ఇరవై ఆకులు

వంకాయలు - రెండు చిన్నవి

బెండకాయలు - మూడు

టమోటా -ఒకటి పెద్దది

అల్లం వెల్లుల్లి పేస్ట్ - రెండు టీ స్పూన్స్

కారం - పచ్చిమిర్చి కారంగా ఉంటే ఒక టీ స్పూన్, లేకపోతే రెండు టీ స్పూన్స్

ఉప్పు తగినంత

జీలకర్ర పొడి - ఒక టీ స్పూన్

పసుపు - పావు టీ స్పూన్

నూనె - మూడు టేబుల్ స్పూన్స్

చింత పండు - వంద గ్రాములు

కొత్తిమీర - ఒక కట్ట

తయారు చేయు విధానం :- ముందుగా పీతలు కడిగి వాటిని పెద్దవి ఐతే నాలుగు ముక్కలుగా, చిన్నవి ఐతే రెండు ముక్కలుగా చేసుకోవాలి. ఉల్లిపాయలు, పచ్చిమిర్చి మిక్సి లో వేసి మరీ మెత్తగా కాకుండా రుబ్బుకోవాలి. తరువాత పొయ్యి వెలిగించుకొని బాణలి పెట్టి అందులో నూనె పోసి ఒక నిమిషం తరువాత కరివెపాకు, ఉల్లిముద్ద, అల్లంవెల్లుల్లి పేస్ట్ వేసి బాగా అంటే నూనె బైటికి వచ్చేవరకు వేగనిచ్చి, అందులో పసుపు, కారం, ఉప్పు, జీలకర్ర పొడి వేసి కొద్దిగా వేగనిచ్చి, చింతపండు పులుసు చిక్కగా తీసుకొని అందులో వేసి, వంకాయ ముక్కలు, బెండకాయ ముక్కలు, టమాటో ముక్కలు, పీతలు కూడా అందులో వేసి ఉడకనివ్వాలి. పులుసు చిక్కగా ఉంటే బాగుంటుంది. దించేముందు కొత్తిమీర సన్నగా కట్ చేసి వేసుకొంటే పీతల పులుసు చాలా రుచిగా ఉంటుంది.

డెక్క పిడుపు (క్రాబ్ మీట్ )

కావలసిన పదార్ధాలు :-

క్రాబ్ మీట్ - రెండు వందల గ్రాములు

ఉల్లిపాయలు- రెండు కొంచెం చిన్నవి

పచ్చిమిర్చి - రెండు

అల్లం వెల్లుల్లి పేస్ట్ - ఒకటిన్నర టీ స్పూన్

కారం - ఒక టీ స్పూన్

జీలకర్ర పొడి - ఒక టీ స్పూన్

కరివేపాకు - పది ఆకులు

నూనె - రెండు టేబుల్ స్పూన్స్

కొత్తిమీర - కొద్దిగా

పసుపు-చిటికెడు

ఉప్పు తగినంత

తయారు చేయు విధానం :- ముందుగా ఉల్లిపాయలు మిక్సి లో రుబ్బుకొని, ఒక బౌల్ లోకి తీసుకొని అందులో క్రాబ్ మీట్, పచ్చిమిర్చి ముక్కలు, కరివేపాకు, అల్లం వెల్లుల్లి పేస్ట్, ఉప్పు, కారం, జీలకర్ర పొడి, పసుపు వేసి చేతితో బాగా కలపాలి. తరువాత పొయ్య మీద బాణలి పెట్టి నూనె పోసి ఒక నిమిషం తరువాత అందులో కలిపిన ముద్ద అంతా వేసి బాగా అంటే పొడి పొడిగా వచ్చేటట్లు వేగనిచ్చి ఒక ప్లేట్ లోకి తీసుకొని కొత్తిమీర తో సర్వ్ చేసుకోవాలి. అంతే ఎంతో నోరూరించే డెక్క పిడుపు రెడీ!!!!

దొండకాయ కోడిగుడ్డు వేపుడు

కావలసిన పదార్ధాలు :-

దొండకాయలు - పావు కిలో

గుడ్లు - నాలుగు

సెనగ పప్పు - రెండు టీ స్పూన్స్

మినపప్పు - రెండు టీ స్పూన్స్

వెల్లుల్లి - ఐదు లేక ఆరు రేకులు

ఎండు మిరపకాయలు-రెండు

జీలకర్ర - అర టీ స్పూన్

ఆవాలు - అర టీ స్పూన్

ఉప్పు తగినంత

కావలసిన పదార్ధాలు:- ముందుగా దొందకాయలను సన్నగా చక్రల్లగా కోసుకొని పొయ్య మీద బాణలి పెట్టి నూనె పోసి కొంచెం కాగాకా అందులో పోపు దినుసులు అన్ని వేసి బాగా వేగనివ్వాలి. తరువాత అందులో దొండకాయ ముక్కలు కూడా వేసి బాగా వేగాకా, ఉప్పు వేసి కలిపి చివరగా కోడిగుడ్లు కొట్టి అందులో వేసి బాగా అంటే పొడి పొడి గా ఉండేటట్లు వేగనిచ్చి, కొత్తిమీరతో సర్వ్ చేసుకోవాలి. అంతే మీ దోడకాయ కోడిగుడ్లు రెడీ!!!

చికెన్ పకోడా

కావలసిన పదార్ధాలు:-

బియ్యపు పిండి - రెండు టేబుల్ స్పూన్స్

సెనగ పిండి - రెండు టేబుల్ స్పూన్స్

కార్న్ ఫ్లోర్ -ఒక టేబుల్
గోధుమ పిండి - ఒక టేబుల్ స్పూన్

చికెన్ (బోన్ లెస్) - పావు కిలో

అల్లం, వెల్లుల్లి పేస్ట్ - రెండు టీ స్పూన్స్

కారం - హాఫ్ టీ స్పూన్

గరం మసాలా - హాఫ్ టీ స్పూన్

ఉప్పు తగినంత

నూనె అర లీటర్

తయారు చేయు విధానం :- ముందుగా చికెన్ బాగా కడిగి చిన్న చిన్న అంటే కుబ్స్ గా కట్ చేసుకోవాలి. తరువాత ఒక బౌల్ తీసుకొని బియ్యంపిండి, సేనగపిండి, కార్న్ ఫ్లోర్, గోధుమ పిండి వేసి అందులో ఉప్పు, కారం, గరంమసాలా, అల్లం వెల్లుల్లి పేస్ట్ కూడా వేసి నీరు పోస్తూ కొంచెం జారుగా అంటే చికెన్ మునిగేలా కలుపుకోవాలి. తరువాత పొయ్య వెలిగించుకొని ఒక బాణలి పెట్టి నూనె పోసి బాగా కాగనిచ్చిఅందులో కలిపిన పిండి లో చికెన్ ముక్కలని ఒక్కొక్కటి ముంచి నూనె లో వేసి బాగా వేగనిచ్చి ఒక ప్లేట్ లోకి తీసుకోవాలి. ఇవి ఇవినింగ్ స్నాక్స్ గా కాని భోజనానికి ముందు గాని సర్వ చేస్తే చాలా బాగుంటాయి.

కోడిగుడ్లు అరటికాయ

తయారు చేయువిధానం:-

కోడిగుడ్లు - నాలుగు ఉడక పెట్టి ఒలిచినవి

ఉల్లిపాయలు రెండు

చెక్కిన అరటికాయలు రెండు

పచ్చి మిర్చి రెండు

కారం - ఒక టీ స్పూన్

పసుపు కొంచెం

అల్లం, వెల్లుల్లి పేస్టు - రెండు టీ స్పూన్స్

నూనె - రెండు టేబుల్ స్పూన్స్

ఆవాలు - అర టీ స్పూన్

జీల కర్ర - అర టీ స్పూన్

కరివే పాకు - పది ఆకులు

తయారు చేయు విధానం :- ముందుగా పొయ్య వెలిగించుకొని బాణలి పెట్టి అందులో నూనె పోసి కొద్దిగా వేడెక్కాక అందులో ఆవాలు, జేలకర్ర, కరివేపాకు వేసి వేగనిచ్చి ఉల్లిపాయ ముక్కలు, పచ్చిమిర్ఛి కూడా వేసి బాగా వేగనివ్వాలి. ఆ తరువాత అందులో అల్లం, వెల్లుల్లి పేస్టు వేసి కొద్దిగా వేగనిచ్చి, ఉప్పు, కారం, పసుపు వేసి నీరు పోసి అందులో అరటికాయ ముక్కలు, నాట్లు పెట్టిన కోడిగుడ్లు వేసి మూత పెట్టి ఒక పావు గంట ఉడకనిచ్చి నీరంతా పోయేవరకు ఉంచి దిన్చేయ్యాలి. అంతే మీ కోడిగుడ్లు, అరటికాయ రెడీ!!!!

రొయ్యల వేపుడు

కావలసిన పదార్ధాలు :-

రొయ్యలు - ఇరవై ఐదు

పెద్ద ఉల్లిపాయలు - మూడు

వెల్లుల్లి పెద్దది - ఒకటి

అల్లం - ఐదు

కారం - ఒకటిన్నర టేబుల్ స్పూన్

పసుపు కొంచెం

గరం మసాలా - రెండు టీ స్పూన్స్

ఏలకులు - రెండు

లవంగాలు - రెండు

కొత్తిమీర కొంచెం

కర్వేపాకు కొంచెం

నూనె - అర కప్పు

తయారు చేయు విధానం :-

ఉల్లిపాయలు పెద్ద ముక్కలుగా చేసుకొని వాటిలో అల్లం వెల్లుల్లి కూడా వేసి మెత్తగా గ్రైండ్ చేసుకోవాలి. వలచి, కడిగిన రొయ్యల్లో ఈ ఉల్లిముద్ద, ఉప్పు, కారం, పసుపువేసి ఒక్క హల్ఫ్ కప్ నీరు పోసి, నీరంతా ఇగిరేవరకు ఉడకనివ్వాలి. తరువాత ఒక కళాయి తీసుకొని పొయ్యిమీద పెట్టి, నూనె వేసి బాగా కాగేకా రెండు లవంగాలు, రెండు ఏలకులు కొద్దిగా కర్వేపాకు వెసి కొద్దిగా వేగనిచ్చి తరువాత ఉడకపెట్టిన రొయ్యలు కూడా వేసి ఒక పావుగంట బాగా వేగనిచ్చి చివరగా గరం మసాలా పొడి, కొత్తిమీర వేసుకొని పొయ్య ఆఫ్ చేసి సర్వ్ చేసుకోవాలి. అంతే మీ రొయ్యల వేపుడు రెడీ!!!

రొయ్యల పలావ్

కావలసిన పదార్ధాలు :-

పలావ్ బియ్యం రెండున్నర కప్పులు

మీడియం సైజ్ ఉల్లిపాయలు రెండు

మీడియం సైజ్ టొమాటోలు ఐదు లేక ఆరు

రొయ్యలు అరకిలో అంటే పెద్దవి పాతిక లేక ముప్పై

కొబ్బరికాయ ఒకటి

అల్లం, వెల్లుల్లి నూనినది ఒక టీ స్పూన్

పచ్చి మిర్చి పది

లవంగాలు ఎనిమిది, దాల్చినచెక్క ఐదు

కర్వేపాకు రెబ్బలు ఐదు, పొదీనా ఒక కట్ట, కొత్తిమీర ఒక కట్ట

పసుపు ఒక టీ స్పూన్

సాల్ట్ మూడు స్పూన్స్

నెయ్యి అర కప్పు

ఇష్టమైతే జీడిపప్పు

తయారు చేయు విధానం :-

కొబ్బరిపాలు తీసి పెట్టుకోవాలి. టొమాటోలు ఉడకపెట్టి రసం తీసుకోవాలి. ఈ రెండు కలిపితే నాలుగు కప్పులు నీళ్లు అవ్వాలి. రొయ్యలు వలచి, కడిగి పెట్టాలి. అల్లం, వెల్లుల్లి మెత్తగా నూరుకోవాలి. పొదీనా, కొత్తిమీర కట్ చేసి పెట్టుకోవాలి.

పొయ్యి మీద కుక్కర్ పెట్టి, నెయ్యి వేసి, కాగిన తరువాత మసాలా దినుసులు వేసి వేగనిచ్చి అందులో ఉల్లిపాయముక్కలు, మచ్చి మిర్చి, కరివేపాకు కూడా వేసి రెండు నిమిషాలు వేగనిచ్చి రొయ్యలు వేసి బాగా వేగాకా అందులో కొబ్బరి పాలు, టొమాటో జ్యూస్ పొయ్యాలి. ఉప్పు, పసుపు వేసి మూత పెట్టి, ఎసరు కాగినతరువాత బియ్యం వేసి కొంచెం బాగా కలిపాకా పొదీనా, కొత్తిమీర జల్లి, వెయిట్ తో మూత పెట్టి రెండు నిమిషాలు హైయ్ లోపెట్టి, మల్ల స్లో లో ఐదు నిమిషాలు వుంచి చిన్చుకోవాలి. అంతే ఎంతో రుచిగా నూరూరించే రొయ్యల పలావ్ రెడీ!!!!!!!

రొయ్యల పకోడా

రొయ్యల పకోడా కి కొంచం చిన్న రొయ్యలె బాగుంటాయి. ఈ రొయ్యలని శుభ్రంగా వలచి, కడిగి పెట్టుకోవాలి. అల్లం చిన్న ముక్క, పచ్చిమిర్చి నాలుగు తీసుకొని నూరుకోవాలి. ఒక గిన్నెలో మైదా పిండి, తగినంత ఉప్పు, కొద్దిగా చైనా సాల్ట్, ఈ నూరిన ముద్ద, కొద్దిగా నీరు పోసి కొద్దిగా జారుగా కలుపుకోవాలి. పొయ్యి మీద బాణలి పెట్టి అందులో నూనె (పకోడా మునిగేలా) పోసి బాగా కాగాకా రొయ్యలు అందులో ముంచి పకోడా మాదిరిగా అందులో వేసి వేయించుకోవాలి. ఇవి భోజనానికి ముందు సర్వ్ చేయడానికి బాగుంటాయి.

మామిడికాయ మటన్

కావలసిన పదార్ధాలు :-
మటన్ - హల్ఫ్ కిలో
మామిడి కాయలు మంచి పుల్లగా ఉన్నవి -ఐదు
పచ్చి మిరప కాయలు - ఐదు
ఉల్లిపాయలు- రెండు
టమాటో- ఒక్కటి
అల్లం వెల్లుల్లి పేస్టు - ఒక టీ స్పూన్
కారం - రెండు టీ స్పూన్స్
ఉప్పు తగినంత
పసుపు - హాఫ్ టీ స్పూన్
నూనె - మూడు టేబుల్ స్పూన్స్

తయారు చేయు విధానం :-

ముందుగా మటన్ కడిగి ముక్కలుగా చేసుకొని దానిలో ఉప్పు, కారం, అల్లం వెల్లుల్లి పేస్టు వేసి బాగా కలిపి పక్కన పెట్టుకోవాలి. తరువాత పొయ్యి వెలిగించుకొని దానిమీద బాణలి పెట్టి నూనె పోసి ఒక్క నిమిషం తరువాత అందులో ఉల్లిపాయ ముక్కలు, పచ్చిమిర్చి వేసి ఎర్రగా వేగనివ్వాలి. వేగిన తరువాత అందులో చిన్న చిన్న ముక్కలుగా కోసిన మామిడికాయ ముక్కలు, టమోటా ముక్కలు, కలిపి పక్కన పెట్టుకొన్న మాంసాన్ని వేసి నీరు పోయేవరకు వేగనిచ్చి అందులో ఒక్క గ్లాస్ నీరు పొయ్యాలి. పెద్ద మంట మీద కొంచెం సేపు ఉడకనిచ్చి, మంట తగ్గించుకొని పది నిమిషాలు ఉడకనివ్వాలి. ముక్క బాగా ఉడికితే బాగుంటుంది. అంతే ఎంతో రుచిగా నోరూరించే మామిడికాయ మటన్ రెడీ !!!!!